دو سو علماء، پیش اماموں کا نیٹ ورک قائم کیا گیا ہے اور انہیں صفائی وپانی کی اہمیت کا پیغام خطبات کا موضوع بنانے کی جانب راغب کیا گیا۔ زیادہ تر علماء نے خطبات جمعہ اور عیدین خصوصاً عیدالضحیٰ پر قربانی کے جانوروں کی باقیات مقررہ مقامات پر تلف کرنے کی وعید کی۔
٭……یونیسف پراجیکٹ کے لئے یونین کونسل شاہین مسلم ٹاؤن ون اور ٹو کے لئے آگاہی مہم چلائی۔
نیبر ہوڈ کونسلوں میں ڈبلیو ایس ایس پی کے اقدامات، ذمہ داریوں اور کردار کے بارے میں آگاہی پھیلانا
پانی وصفائی شعبے میں نیبر ہوڈ کونسلوں کی سطح پر استعداد کار بڑھانے کا عمل جاری ہے نیبر ہوڈ کونسلوں کے مابین صفائی کے مقابلے کرائے جاتے ہیں۔ مختلف اداروں سے باہمی تعاون کے معاہدوں کے مسودے تیار کرنا بھی سی ایل سی کی ذمہ داری ہے، آئی ایم سائنسز کے طلبہ پر مشتمل فورم تشکیل دینے کے لئے معاہدے اور لوگوں کے رویئے میں تبدیلی لانے کے لئے بی سی سی سٹریٹجی کا مسودہ بھی تیار کیا ہے۔علاوہ ازیں سی ایل سی سہہ ماہی کی بنیاد پر این سیز کے مابین مقابلہ صفائی اور طلبہ کے مابین تقریری اور سوالات مقابلوں کا انعقاد کرتا ہے، عوامی آگاہی مواد بھی تیار کرتا ہے جبکہ عوامی آگاہی کے لئے باقاعدگی کے ساتھ سیشن کا انعقاد کرتا ہے۔