صارفین کو معیاری اور صاف پانی کی فراہمی کے لئے ڈبلیو ایس ایس پی نے ریموٹ کوالٹی مانیٹرنگ سسٹم اور جدید ٹیسٹنگ فیسیلٹی نصب کر دی۔ اینوویٹیو سلوشنز اینڈ نیٹ ورکس ریسرچ کے ذیشان رفیق اور عادل شاہ نے سسٹم ڈبلیو ایس ایس پی کے چیف ایگزیکٹو یاسر علی خان کے حوالے کر دیا۔ جنرل منیجر آپریشنز محمد اعجاز، جنرل منیجر پلاننگ سید ضمیر الحسن، جنرل منیجر پراجیکٹس ڈاکٹر محبوب عالم اور دیگر حکام بھی اس موقع پر موجود تھے۔ سسٹم کے ذریعے کسی بھی وقت پانی کا معیار جانچا جاسکے گا۔ ماہرین نے سسٹم کے استعمال بارے میں ڈبلیو ایس ایس پی کے منیجرز واٹر سپلائی اور واٹر کوالٹی سٹاف کو تربیت بھی دی۔ یاسر علی خان نے سسٹم کو اہم قرار دیتے ہوئے کہا کہ صارفین کو صاف ومعیاری پانی کی فراہمی کی ہر ممکن کوشش کر رہے ہیں روزانہ کی بنیاد پر ٹیسٹ کئے جا رہے ہیں، سسٹم کی تنصیب سے پانی کا معیار مزید بہتر ہوگا۔ یہ سسٹم سنٹر فار انٹیلیجنٹ اینڈ نیٹ ورک ریسرچ یونیورسٹی آف انجینئرنگ اینڈ ٹیکنالوجی پشاور اور ڈبلیو ایس ایس پی نے باہمی اشتراک سے تیار کیا ہے۔ یہ صارفین کو پینے کے صاف پانی کی فراہمی یقینی بنانے کی ڈبلیو ایس ایس پی کی خدمات میں مزید بہتری لانے کی جانب اہم پیشرفت اور قدم ہے۔

سیکرٹری بلدیات ودیہی ترقی ظفر الاسلام کا ڈبلیو ایس ایس پی کا دورہ، چیف ایگزیکٹو آفیسر یاسر علی نے کمپنی کے آپریشنل، مالی و انتظامی امور، اب تک کی کامیابیوں اور مستقبل کے اقدامات بارے بریفنگ دی۔ سیکرٹری بلدیات نے ڈبلیو ایس ایس پی کی کارکردگی کو سراہا، کارکردگی میں مزید بہتری لانے، ریونیو میں اضافے اور مزید ماڈل سٹریٹس قائم کرنے کی ہدایت کی۔

چیف ایگزیکٹو آفیسر یاسر علی خان کی صدارت میں مینجمنٹ حکام کا اجلاس، جنرل منیجر آپریشنز محمد اعجاز، جی ایم پراجیکٹس ڈاکٹر محبوب عالم، جی ایم پلاننگ سید ضمیر الحسن، منیجرز اور اسسٹنٹ منیجرز سالیڈ ویسٹ کی شرکت، اجلاس میں کچرے کی مؤثر مینجمنٹ، کچرے میں ری سائیکلنگ اشیاء کے استعمال، کچرا چننے والے افراد کو ریگولیٹ کرنے سمیت دیگر امور پر غور وخوض کیا گیا اور حکام کو مختلف ذمہ داریاں

چیف ایگزیکٹو آفیسر یاسر علی خان کی صدارت میں ماہانہ کارکردگی جائزہ اجلاس، جنرل منیجرز، زونل منیجرز اور دیگر حکام کی شرکت، اجلاس میں ماہ اکتوبر کی کارکردگی کا جائزہ لیا گیا۔ سی ای او کی گھر گھر سے کچرا اٹھانے کی مہم کا دائرہ مزید وسیع کرنے، ریونیو میں اضافے اور اہداف کے حصول کے لئے کوششیں تیز کرنے کی ہدایت

چیف ایگزیکٹو آفیسر یاسر علی خان کی صدارت میں اجلاس، جی ایم ایچ آر ثاقب نواز، چیف فنانشل آفیسر حیدر علی اور دیگر حکام کی شرکت، اجلاس میں زون ای کی مجموعی کارکردگی کا جائزہ لیا گیا۔ زونل منیجر انوار الحق نے زون کی کارکردگی بارے بریفنگ دی۔

چیف ایگزیکٹو آفیسر یاسر علی خان کی صدارت میں اجلاس، زون ڈی کی کارکردگی کا جائزہ لیا گیا۔ جی ایم ایچ آر ثاقب نواز، سی ایف او حیدر علی اور دیگر حکام کی شرکت۔ زونل منیجر ڈاکٹر ماریہ شہناز نے اجلاس کو زون کی مجموعی کارکردگی سے آگاہ کیا۔